Urriak 14an langabetuei zuzenduriko SOLDADURA ikastaroa martxan jarriko da.

Iraurgi Berritzenen Enplegu Arloa, eskualdean zaurgarritasun egoeran edo arriskuan aurkitzen diren langabetuei zuzenduriko “Urola Erdian ElkarEkinez UE3” proiektua garatzen ari da, Gipuzkoako Foru Aldundiaren aldetik jasotako dirulaguntzarekin. Horren helburu nagusia zailtasun egoerak dituzten pertsona langabetuei gizarteratzeko eta laneratzeko ibilbide egokituak eta eraginkorrak eskaintzea da, horretarako eskualde mailako zerbitzuak integratuz.

Proiektu horren baitan, Oinarrizko Konpetentzien ikastaroak irailan zehar martxan jarri dira Azkoitia, Azpeitia eta Zestoan guztira 50 parte-hartzailerekin eta Gaitasun Teknikoei buruzko ikastaroei dagokienez, urriaren 14an gure ikastetxean SOLDADURA ikastaroa martxan jarriko da. 400 orduko ikastaroa izango da eta ordutegia 8:00etatik 13:00era izango da.