UEMAkoak Izarraitzen, EUSKARAren erabilera sustatzeko hitzaldiekin

Aste honetan zehar, UEMAko kideak Izarraitz Lanbide Heziketa LHII-n izan dira, ikastetxeko ikasleekin eta komunitatearekin euskararen erabilera, balioa eta eguneroko presentzia lantzeko hainbat hitzaldi eskaintzen.

Saioek gogoeta eta elkarrizketarako guneak sortu dituzte, euskarak hezkuntzan, lan-munduan eta gizartean duen garrantzia azpimarratuz. Ekimen honen bidez, ikastetxeak euskararen normalizazioarekiko duen konpromisoa eta hizkuntza-ohituretan eragiteko borondatea berretsi ditu.