UEMA gurean SOZIOLINGUISTIKA eta AHALDUNTZE SAIOAK ematen

Soziolinguistika eta ahalduntze saioa eman du UEMAk Izarraitz Lanbide Heziketako erdi mailako zikloetan.

Bost saio egin dira azaroaren 22a eta 26a artean, eta 70 ikasle inguruk parte hartu dute. Euskal Herriko nahiz bailarako datu soziolinguistikoak ezagutu dituzte ikasleek, eta euskararen egoeraren zein euskaldunen eskubideen inguruan hausnartu dute.

Udalerri euskaldunek eta arnasguneek hizkuntzaren normalizazio prozesuan duten erreferente izaeraren berri eman zaie, eguneroko hautu pertsonalen zein kolektiboen garrantzia nabarmenduta. Horretarako, hainbat jolas egin dituzte, hizkuntza aniztasuna, datu estatistikoak, euskal erreferenteak eta eguneroko hizkuntza desoreka egoerak landuz.