IRUNGO HARRERA SAREKO eskaeratik MUGIKOR BILKETA gurean

Izarraitz Lanbide Heziketako Gizarteratze zikloko ikasleak Irunen izan ziren abenduaren amaieran, bertatik igarotzen diren migratzaileen egoera ezagutzen. Irungo Harrera Sareko kideek eman zizkieten azalpenak, eta, besteak beste, mugikorrak behar izaten dituztela azaldu zieten.
Orain, ikasleen ekimenez, mugikorrak bilduko dituzte eskualdeko hainbat herritan, ondoren Irungo Harrera Sareari helarazteko. Hilaren 22tik otsailaren 6ra egingo dute bilketa, honako puntuetan:
– Azpeitian, Elkargunean, Ikasberri ikastolan, Iraurgi ikastetxean, Urola ikastolan eta Karmelo Etxegarai ikastolan
– Azkoitian, Floreaga ikastetxean, Xabier Munibe ikastolan eta Elkargunean
– Getarian, kiroldegian
– Zarautzen, Arrano tabernan
– Zumaian, kiroldegian nahiz Oxforden.