GOIERRI-UROLA GARAIKO ESIko normalizazio arduradunen bisita

Gaur, GOIERRI-UROLA GARAIKO ESIko normalizazio arduradunak, Olatz eta Natalia, gure ikastetxera etorri dira erizain laguntzaileko ikasleei zuzendutako hitzaldia ematera. Saioan zehar, euskarak osasun arloan duen garrantziaz aritu dira, eta hizkuntzak pazienteen arretan duen balio erantsia nabarmendu dute.

Ikasleek lehen eskutik ezagutu dute komunikazio eraginkorrak, eta bereziki pazientearen hizkuntza errespetatzeak, arreta hurbilagoa, konfiantza handiagoa eta kalitatezko zerbitzua eskaintzeko duen garrantzia. Hitzaldiak hausnarketarako aukera eman du, etorkizuneko profesionalek hizkuntza-gaitasuna ere zaintza integralaren parte gisa ulertzeko.

Eskerrik asko Olatz eta Nataliari egindako bisitagatik eta ekarpen baliotsuagatik!