GARAGUNEkin elkarlanean, GOXO GUNEn 11takoa

Pasa den ostiralean Goxo-gunen Garaguneko kideekin batera (adimen urritasuna duten pertsonekin lan egiten duen elkartea) hamaiketakoa zerbitzatu genuen.

Ekintza hau ikastetxe mailan berrikuntzako proiektuan kokatzen da. Passivhaus etxe jasangarria ereduan oinarrituta dagoen Goxo-gunen ziklo bakoitzak bere ekarpena egin du, eta Gizarteratze zikloan Garagunekoekin batera hamaiketakoa prestatu eta zerbitzatu dugu.

Honen helburua Garaguneko pertsona erabiltzaileak laneratzea eta gizarteratzea izan da, Goxo-gune etxe jasangarriari erabilpen sozial bat emanez. Horretarako esku-hartze programa bat martxan jarri genuen eta hainbat tailer burutu genituen ikasturtean zehar. Eta ostiralean bizitakoa prestakuntza horren emaitza izan zen hain zuzen ere.

Eguraldia lagun izan genuen, musikaz lagunduta giro ederrean egon ginelarik. Milesker ikastetxeko ikasle eta irakasleoi zuen parte hartze eta inplikazioagatik.

Garaguneko Angel eta Pili oso gustura aritu ziren, lan bikaina eginaz, zalantzarik gabe! Milesker beraiei ere! Gizarteratzeko ikasleak ere mundial aritu ziren.