DUAL OROKORRA eta ERASMUS+ 2. mailako IKASLEAK martxan

Aste honetan hasi dira 2. mailako ikasleak Dual Orokorra egiten, enpresa eta erakunde desberdinetan beren prestakuntza praktikoa garatzen.

Ikasle gehienek prestakuntza hau Urola bailarako eta inguruko enpresetan egingo dute, eskualdeko ehun industrial eta zerbitzu sare sendoarekin elkarlanean. Aukera paregabea da ikasleentzat benetako lan-ingurunean trebetasun teknikoak eta zeharkako konpetentziak garatzeko, baita lan-merkatura gerturatzeko ere.

Horrez gain, ikasle batzuek ERASMUS+ beka lortu dute eta atzerriko enpresa eta erakundeetan egingo dute dual egonaldia. Esperientzia horri esker, nazioarteko ikuspegia zabaldu, gaitasun profesional eta pertsonalak indartu, eta kultura desberdinetan lan egiteko konpetentziak garatuko dituzte.

Zorte on guztiei etapa berri honetan!