Bizikletaz etorri eta saria irabazi!

Azken asteotan martxan egon den Ongizate Batzordearen “Ikastetxera Bizikletaz” egitasmoak amaiera izan du gaur, eta parte-hartzaileen artean zozketa egin da.

Martxoaren 23tik maiatzaren 6ra bitartean, ikasle eta langile ugari animatu dira ikastetxera bizikletaz etortzera, ohitura osasungarriak sustatzeko eta ingurumenarekiko konpromisoa indartzeko helburuarekin. Egitasmoari esker, parte-hartzaileek ariketa fisikoa egiteaz gain, kutsadura murrizten lagundu dute eta mugikortasun jasangarriaren aldeko urratsa eman dute.

Erronkan parte hartzeko, gutxienez 10 joan-etorri egin behar ziren bizikletaz. Baldintza hori bete duten guztien artean egin da gaur 50 euroko kirol-denda bateko bonuaren zozketa, eta irabazlea Itsaso Mendizabal irakaslea izan da. Zorionak! ‍

Ongizate Batzordeak eskerrak eman nahi dizkie parte hartu duten guztiei, erakutsitako konpromiso eta jarreragatik. Horrelako ekimenek komunitate osasungarriago eta jasangarriago bat eraikitzen laguntzen dute.