Berrikuntza proiektuak martxan!

Atzo, Izarraitz Lanbide Heziketako irakasleek Tknikan egin zen 2026/2027 ikasturteko Sailburuordetzako Berrikuntza Proiektuak abiarazteko saioan parte hartu zuten.

Saioan, hainbat ikastetxetako ordezkariek beren proiektuen helburuak eta garatuko dituzten ekimenak partekatu zituzten, elkarren lana ezagutzeko, proiektuen arteko sinergiak identifikatzeko eta lankidetzarako aukerak zabaltzeko.

Izarraitz Lanbide Heziketak berrikuntzaren eta elkarlanaren aldeko apustuarekin jarraitzen du, Lanbide Heziketa hobetzen lagunduko duten proiektuak garatuz.