Azpeitiko ELKARGUNERA bisitan

Gizarteratze zikloko lehen mailako ikasleak Azpeitiko Elkargunean izan dira bisitan. Migrazioen gaia lantzen ari dira azken asteetan, eta Irungo Harrera Sarea ezagutu ondoren, Elkarguneko funtzionamendua bertatik bertara ezagutzeko aukera izan dute.

Elkar-ekineko kide bat arduratu da ikasleei azalpenak emateaz, eta Azpeitian bizi diren pertsona migratzaileek bizi dituzten egoera ezberdinak azaldu dizkie ikasleei: nondik etorri diren, zein zailtasun dituzten, zein diren beraien hasierako beharrak e.a. Horrez gain, Elkarguneak nola funtzionatzen azaldu zien ikasleei, lan boluntarioaren garrantzia azpimarratu zuen, eta antzeko ekimenetan parte hartzera gonbidatu zituen ikasleak.

Mila esker guztie, egiten duten lan eskergagatik eta gure ikasleei azalpenak emateagatik!