ADMINISTRARITZAko irakasleak BELGIKAN: lankidetza berriak eraikitzen

Izarraitz Lanbide Heziketa LHIIko Administraritzako irakasleak Belgikan daude egunotan, nazioarteko harremanak sendotu eta etorkizuneko elkartruke aukerak aztertzeko asmoz. Bisitaren baitan, Ninove College ikastetxea ezagutzen ari dira, bertako lan-dinamika eta metodologia gertutik aztertuz.

Goizean, ikastetxeko COMPU GO eta GO MOBILE enpresa simulatuak ezagutu dituzte, ikasleek kudeaketa, administrazioa eta merkataritza-prozesuak modu praktikoan lantzen dituzten espazioak. Ondoren, Arretako ikasleek prestatutako bazkari goxoa dastatzeko aukera izan dute, harrera bero eta profesional baten testigantza gisa.

Arratsaldean, Bruselan kokatutako Parlamentarium bisitatu dute, Europako Parlamentuaren historia eta funtzionamendua modu interaktiboan ezagutzeko.

Bisita honek nazioarteko lankidetza indartzeaz gain, etorkizuneko mugikortasun eta proiektu partekatuetarako oinarriak jartzen ditu.