ADMINISTRARITZA zikloko ikasleak Biele Group enpresan

Administraritza zikloko ikasleek gaur Biele enpresa bisitatzeko aukera izan dute, eta bertatik bertara ezagutu dute enpresa baten eguneroko funtzionamendua.

Bisitan zehar, Finantza, Giza Baliabide eta Logistika departamentuen lana sakonago ezagutzeaz gain, tailerra ere ikusteko aukera izan dute, enpresaren jarduera industriala osotasunean ulertuz.

Esperientzia honek ikasgelan landutako edukiak errealitatearekin lotzeko balio izan du, eta lan-munduaren ikuspegi praktikoa eskaintzeko aukera eman die ikasleei.

Eskerrik asko Naiara eta Mikeli, emandako azalpenengatik eta eskainitako denboragatik.