Rural Kutxak eta Izarraitz LHIIk etorkizunari begirako lankidetza-hitzarmena sinatu dute

Izarraitz Lanbide Heziketa LHIIk eta Rural Kutxak lankidetza-hitzarmena sinatu dugu, datorren ikasturtean martxan jarriko den Hasierako Lanbide Heziketa Malgua eta Egokitua – Lorezaintza proiektu berria babesteko.

Hitzarmen honi esker, ikastetxeak baratzea, negutegia eta lorezaintzako prestakuntza-gune berria garatuko ditu, ikaskuntza praktikoa, naturarekiko errespetua eta jasangarritasuna uztartuko dituen espazio pedagogiko berria sortuz.

Proiektu hau ez da soilik heziketa-eskaintza berri bat. Ikastetxearen etorkizunerako egiten den inbertsioa da.

Sortuko diren azpiegiturak eta baliabideak datozen urteetan Izarraitzen ikasiko duten ikasleen zerbitzura egongo dira, ikaskuntza esperientzia aberatsagoak eta errealagoak eskainiz. Horregatik, proiektu honek gaur egungo ikasleengan ez ezik, etorkizunean gure ikastetxea aukeratuko duten guztiengan izango du eragina.

Gainera, lorezaintzaren bidez jasangarritasuna, ingurumenarekiko errespetua, autonomia, talde-lana eta lanbide-gaitasunak modu praktikoan lantzeko aukera eskainiko da, Lanbide Heziketaren balioekin bat eginez.

Izarraitz LHIIk bere eskerrik beroena adierazi nahi dio Rural Kutxari proiektu honetan erakutsi duen konfiantzagatik eta konpromisoagatik. Lankidetza honek erakusten du hezkuntza hobetzeko bidean erakundeen eta gizarte-eragileen arteko aliantzak ezinbestekoak direla.

Etorkizuna eraiki egin behar da. Elkarrekin eraikitzen da. Eta gaur, elkarrekin ereiten hasi gara.