1. mailako ikasleak DUAL OROKORREko egonaldietan hasi dira

Izarraitz Lanbide Heziketako 1. mailako ikasle gehienak inguruko enpresa eta erakundeetan hasi dira beren Dual Orokorreko egonaldietan.

Egonaldi hauek aukera paregabea dira ikastetxean ikasitakoa testuinguru errealetan praktikan jartzeko, lanbide-gaitasunak garatzen jarraitzeko eta enpresa zein erakundeen eguneroko jarduna gertutik ezagutzeko.

Horrez gain, 2. mailako ikasleek beren esperientziekin jarraitzen dute, bai inguruko enpresetan eta erakundeetan, bai atzerriko egonaldietan ere.

Izarraitz Lanbide Heziketatik eskerrak eman nahi dizkiegu gure ikasleen prestakuntzan elkarlanean diharduten kolaboratzaile guztiei. Haien konpromisoa ezinbestekoa da ikasleen garapen profesional eta pertsonalean.